MANGOLI

Posted: 20 September 2010 in BATAK
Tags: , , , , , , ,

PARJOJOR NI ANGKA ULAON ADAT DI NA MANGOLI ANAK

Najolo bona ni pasogit tar songon na di toru on ma parjojor dohot pardalan ni angka ulaon i :

• Marsijaloan tanda anak dohot boru, jala ginoar ma nasida “maroroan”
• Paranak dohot parboru mangangkat domudomuna be. Mangkatai ma angka domudomu on taringot tu sinamot dohot angka na mardomu tu ulaon i
• Borhat ma paranak dohot rombonganna di ari naung tinontuhon tu huta ni parboru marhata sinamot dohot sude siulaonna mardomu tu parbagaso n ni anak dohot boru. Disi ma dijalo parboru sian paranak “bohi ni sinamot” na ginoar huhut “tanda burju” . Dungi dilehon paranak dohot parboru ma hepeng “ingotingot” tu angka na dohot tu parhataan i.

• Dung salpu manang piga ari “maningkir lobu ma” parboru tu huta ni paranak, mamareso manang na beha do parngoluon siapari ni paranak i. Molo songon na so tumbuk do tu roha ni parboru i keadaan paranak i boi do laos ditingki i batalhononna sangkap na pamuli boru i jala laos paulahonna tu paranak “tanda burju” naung jinalo na. Molo cocok do di roha ni parboru keadaan ni paranak i laos di tingki i ma dijalo parboru sude sinamot songon naung tinolopan ni paranak. Di tingki i do huhut dipasahat paranak jambar ni suhi ni ampang na opat.
• Di ari na binuhul lao ma paranak dohot rombonganna tu huta ni parboru mamboan “pudun saut” i ma namanontuhon mata ni ulaon i, laos udur ma nasida dohot parboru tu gareja “martumpol”
• Manjou dohot manggokkon angka tutur

• Di mata ni ulaon i manogotna laho ma paranak manaruhon “sibuhabuhai” tu huta ni parboru. Sian i udur ma paranak dohot parboru tu gareja. Disi ma manjalo pasupasu anak dohot boru i.Dung mulak i “marantaran na bidang” ma. Di tingki i ma dipasahat pihak parboru pasupasuna tu pihak paranak. Dung i dijalo pihak parboru ma sude sijaloonna hian. Salpu i, di ujungna manjalo ulos herbang ma dohot ulosulos pihak paranak.

About these ads

Comments are closed.